Suldal Vekst AS

Kommentarer

Selskapet har i 2020 sysselsett 6 årsverk i snitt. Fordelt på 6 fast tilsettte og sommarvertar for drift av Suldal Turistkontor.

Kommentarer

Dette er utfordrande å estimere og måle, og framleis ingen gode måleparameter på dette.

Kommentarer

Straumforbruket på turistkontoret sin lokasjon (Postvegen 18) var i 2020 på 16786kWh. Ein reduksjon frå 2019 på 7589 kWh. Årsak er i hovudsak mindre aktivitet grunna Covid 19, og mindre behov for oppvarming.
For kontorlokala i Sandsvegen 134, har ikkje selskapet eigen straummålar og det er utfordrande å hente ut eksakt kWh, og det har ikkje vore mogleg å får til meir nøyaktige måleparameter her. Ut frå faktura frå huseigar, fast sum på straum og nettleige er ein komme fram til at eit estimat for forbruk i kontorlokala til selskapet er rundt 3000 kWh. Det har vore noko bruk av heimekontor i løpet av 2020, men det har begrensa seg til i snitt 20 dagar per tilsett. I hovudsak mars/april 2020. Utover dette har smittetrykket i kommunen vore særs lågt, og det har ikkje vore behov for heimekontor. Det er difor ikkje gjort berekningar på straumforbruk i samband med bruk av heimekontor.
Det oppgitte arealet er 50 m2 for kontorlokala og 100 m2 for turistkontoret. Sistnemde er energikrevjande på heilt andre måtar enn kontorlokala til selskapet, og mesteparten av energikostnadene er relatert til turistkontoret.

Kommentarer

Kommentarar til kildesortert avfall:
Selskapet har betydeleg auke i papp/papir avfall i 2020. Dette skuldast i hovudsak Covid 19 og overskot av turistbrosjyrar som er levert til miljøstasjon for henting av Ivar Næring. Dei utanlandske gjesten uteblei i heile 2020, og nær sagt all brosjyremateriell på andre språk enn norsk, og som var bestilt inn for sesongen i forkant av Covid 19 blei kasta.

Til saman utgjer dette 700 kg papp/papir. 2020 har også medført vesentleg auke i forbruk av plast som i hovudsak er knytt til smitteverntiltak. 80 kg plast er levert til gjenvinning. Inkludert i dette måltallet er også 4 større reklamebanner i plastmateriale som er rydda vekk og kasta i 2020.

Det er tillegg gjort ein del makuleringsarbeid av t.d. gamle regnskap og dokument som no er digitalisert - totalt 26 kg.

For kontordrifta har det ikkje vore store endringar: For papir er det rekna gjennomsnitt vekt per kontor per månad, inkl vekst av 3 papiraviser og mengde papp.

Kommentarar til restavfall:
På grunn av Covid 19 inngjekk restavfall (søppel) i sommarsesong (juni-september) for turistkontoret i miljøregnskapet til Suldal Vekst. I praksis er dette restavfall i dunkar frå lokalt renovasjonsselskap som er tilgjengeleg for gjester i og rundt turistkontoret, som i 2020 var lokalisert ved turistattraksjonen Suldalslågen Laksestudio. Tidlegare har Suldal kommune hatt desse kostandene og ansvar for avfallshandtering, men blei altså pålagd Suldal Vekst i 2020. Dette medfører ein ekstraordinær auke i restavfall for selskapet på 440 kg. I tillegg har det i 2020 vore gjennomført rydding i tilknytning til turistkontoret, der m.a. reklameartiklar, gatebukkar, møblar, mm har blitt kasta. Dette ugjer også ekstraorinært restavfall på til saman 140 kg, og er levert til Ivar Næring for vidare sortering.

Selskapet har lite "ordinært" restavfall etter innføring av kjeldesortering å kontor, tekjøkken og møterom. For 2020 var restavfall knytt til kontorlokala 25 kg, noko ned frå 2019. Reduksjonen har samanheng med mindre aktivitet grunna Covid 19.

Kommentar til klimaregnskapet

Viser til kommentarar gitt under dei ulike rapporteringsområde. 2020 har vore eit ekstraordinært år på mange vis relatert til Covid 19. For Suldal Vekst sin del har dette mellom ann medført ekstraordinære kostnader og også betydeleg større mengde avfall. På den andre sida har det vore minimal reiseaktivitet og bruk av eksempelvis fly og bil som transportmiddel i 2020.

Utover dette har selskapet jobba iherdig og aktivt for å få lokale og regionale bedrifter til å miljøsertifisere seg. Gjennom arbeidet med næringslivet i kommunane Sauda, Suldal og Hjelmeland blir det stadig fleire miljøfyrtårnsertifiserte verksemder OG kommunar. Både Suldal og Hjelmeland kommunar er i gang med sertifisering og auka fokus på sitt miljø- og klimaarbeid. Suldal Vekst er prosjekteigar- og leiar av arbeidet med Berekraftig reisemål, og Suldal blei merka i 2020 i hht til Innovasjon Norge sin standard for dette. Dette er gledeleg, og arbeidet vårt gir relativt store ringvirkningar også med tanke på miljøsertifiseringar i området. Selskapet har også eit godt samarbeid med miljøfyrtårnkonsulenten, som er invitert aktivt med i vårt nettverk. Dette gir Miljøfyrtårn og også konsulenten stadig fleire sertifiserte bedrifter og kommunar i Ryfylke.

Me legg til rette for nettverkssamlingar og oppfølging av dei sertifiserte verksemdene, der erfaringsutveksling, felles utfordringar og moglegheiter kan bli diskutert. Kommune deltek også på desse arenaene. Vår rolle som lokal og regional næringsutviklingsaktør betyr dermed og også å halde fram arbeidet med å bevisstgjere lokalt og regionalt næringsliv, samarbeidspartnarar, kommunar og lokalsamfunn til å ta aktive og bevisste val for klima- og miljøarbeid.